Posts Tagged ‘#PradheepScribbles’

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா? என்ற தங்கள் கட்டுரை தி ஹிந்து தமிழ் நாளிதழில் படித்தேன்.

எங்கெல்லாம் உரிமை இருக்கிறதோ? அங்கெல்லாம் உரிமைகளைப் பற்றிப் பேசும் தகுதியும், தேவைப்பட்டால் போராட வேண்டிய துணிவும் சேர்ந்தே இருக்கும்!

வாய்க்கால்களை தூர்வாருதல்,மணல் கொள்ளை பற்றி //வழிநெடுகிலும் புதர் மண்டிக் கிடந்தது. இடையிடையே மணல் கொள்ளையர்களின் சூறையாடலைச் சொல்லும் பெரும் பள்ளங்கள். காய்ந்து கிடந்த ஆற்றில் தண்ணீர் தென்பட்ட இடங்கள் அத்தனையும் கழிவுகள் கலக்கும் முகவாய்கள். ஆலைக் கழிவுகள், ரசாயனக் கழிவுகள், ஊர்க் கழிவுகள். இவை அத்தனையோடும் புது வெள்ளம் ஒன்றிக் கலக்கிறது. ஆற்றுக்கு ஏற்பட்டிருக்கும் மோசமான சேதத்தை மூடி நிறைக்கிறது-சமஸ் கட்டுரையில் இருந்து// சொல்லி தமிழக அரசையும் சேர்த்தே குற்றம் சாட்டிய நீங்கள்,எந்த இடத்திலும் மத்திய அரசு மற்றும் கர்நாடக அரசு இந்திய கூட்டாச்சியின் அங்கமாக விளங்கும் நீதிமன்றத்தின் ஆணைகளை செயல்படுத்துவதில் காட்டும் மெத்தனத்தையும்,சட்ட அவ மதிப்புகளையும் சொல்ல உங்களுக்கு பக்கம் போதவில்லையா இல்லை மூடி மறைத்து விட்டீர்களா?

அசாமின் நீர் மேலாண்மையைப் பற்றி சொன்ன நீங்கள்,இந்தியாவின் மற்ற மாநிலங்களுக்கிடையே எப்படி நீர் பகிரப்படுகிறது என்பதையும் சேர்த்தே சொல்லி இருக்கலாமே?

கல்லணை பற்றி சொல்லிவிட்டு, அது எப்படிச் செயல்படுகிறது என்பதை சொல்லாமல் விட்டது மறந்து போனதாலா இல்லை,இந்த தலைமுறையிடம் இருந்து மறைத்து விட்டீர்களா என்ற சந்தேகத்தை ஆச்சர்யத்தோடு எழுப்புகிறது உங்கள் கட்டுரை.

ஒருவேளை தமிழ் நாடு மேலிருந்து கர்நாடகத்திற்கு நீர் வழங்காது போனால் தமிழர்கள் கர்நாடகாவிற்காக தமிழ்நாட்டில் போராடி இருப்பார்கள்!

நீர் மேலாண்மை என்பது ஒட்டு மொத்த உலகத்திற்கே பிரச்சனையாக இருக்கும் பொழுது நீங்கள் தமிழ்நாட்டை மற்றும் குறை சொல்லி சமரசம் செய்ய வேண்டிய மத்திய அரசைப் பற்றி ஒன்றுமே சொல்லாதது முழுப் பூசணிக்காயை சோற்றில் மறைப்பது போல இருக்கிறது.

கர்நாடகம் இன்றைக்குக் கிட்டத்தட்ட பதினைந்து மடங்கு சாகுபடிப் பரப்பை அதிகரித்திருக்கிறார்கள் என்று சொல்லிவிட்டு அவர்கள் காலத்தே பின்தங்கி இப்பொழுதுதான் முன்னேறுகிறார்கள் என்று சொல்வது முரணாகவும்,நாம் அதை தடுக்கிறோம் என்று சொல்வது அதிர்ச்சியாகவும் இருக்கிறது.

//காலத்தே யார் முன்னேறியவர்களோ அவர்களுக்கான முன்னுரிமை என்றும் தொடர வேண்டும் என்ற நியாயத்தைத் தமிழகம் போன்ற ஒரு சமூகநீதி மாநிலம் இன்னும் எவ்வளவு காலத்துக்குப் பேச முடியும்?// என்ற இதே கேள்வியை இந்தியாவில் வியாபித்துள்ள அதிகாரம் மற்றும் ஜாதிய கட்டமைப்புகளில் உங்களால் எழுப்ப முடியுமா?

மூன்றாம் உலகப்போர் ஒன்று நிகழுமானால் அது தண்ணீருக்காகத்தான் இருக்கும் என்ற வைரமுத்து அவர்களின் மேற்கொள்படி, காவிரி போன்ற ஒரு முக்கியமான வாழ்வாதாரப் பிரச்சனைகளில் தமிழ்நாட்டின் நீர் மேலாண்மைக்கு குரல் கொடுக்கும் நீங்கள் அதன் மீதான நம் உரிமைகளுக்கு சற்றே உரத்து குரல் கொடுங்களேன்.அதே வேளையில் காவிரி மீதான தமிழக வரலாற்றை உங்கள் எழுதுகோளால் அழித்து விடாதீர்கள்,ஒரு வகையில் அதுவும் ஓர் இன அழிப்பே!

நன்றி!

இப்படிக்கு,

காவிரியில் எங்களுக்குமான உரிமை பற்றி பேச தகுதியுள்ள தமிழர்களில் ஒருவன்!

சமஸ் கட்டுரை

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா?

Thanks: The Hindu Tamil

 

Advertisements

விசாரணைக்கு முழு ஒத்துழைப்பு தாறார்னு சொன்னாங்களே!

அது வேற வாய்!!

எதற்கும் காவேரி பற்றியும் பேசிகிட்டு இருங்க ஒரு ஓரமாவது!

அமைதிப் பூங்காவில் சிறைகளே இல்லாத பொழுது,,,,,

குற்றம் நிரூபிக்கப் படாத வரை எவரும் குற்றம் சாட்டப் பட்டவர்தான் அன்று குற்றவாளி அல்ல என அரசியல்வாதிகள் அடிக்கடி சொல்லக் கேள்விப் பட்டதுண்டு. அதையேதான் சட்டமும் சொல்கிறது.

நியாயத்தின் மீதான மர்மங்கள் நீடிக்கும் பொழுது அதிகாரத்தின் மீதும் மர்மங்கள் தொடர்கின்றன.

ஸ்காட்லாந்து போலீஸ் கட்டுப்பாட்டில் தற்கொலைகள் நடந்ததாய் படித்ததில்லை!

மின் கம்பிகள் எட்டும் உயரத்தில்! #மின்மிகை_மாநிலம்

காவல் நிலையங்களில் மட்டும் அல்ல சிறைகளிலும் சிசிடிவி(கண்காணிப்பு கேமரா) பொருத்த வேண்டிய நேரமிது.

நீங்கள் சுற்றி வளைச்சு பிடிச்சோம்னு சொல்லும்போதே சந்தேகமாத்தான் இருந்தது!

மறக்க முடியுமா நத்தம் விஸ்வநாதன்களை!

தீர்வு கிடைக்கவேண்டி
தீயிட்டுக் கொண்டாயோ?
உரத்துக் குரல் கொடுக்க
தமிழ் உணர்வைத் தாங்கும்
இந்த உடல் வேண்டாமா?!

தீ தான் தீர்வென்று
முடிவுக்கு வந்தது ஏனோ?
உடல் இன்றி
உயிரேது?
உயிர் இன்றி
உணர்வு ஏது?
உணர்வின்றி போர்க்குணமேது?

இதை உணர்ந்து வா!
மீண்டு(ம்) வா!
நலம் பெற்று
எழுந்து வா!

வந்தாரை வாழ வைக்கவாவது
தமிழன் வாழ வேண்டாமா?!

#கேன்_வாட்டர் குடிக்க ஆரம்பிச்ச பிறகு
நிலத்தடி நீர் , ஆற்று நீர் மறந்து போனது!

#பீட்சா_பர்கர் சாப்பிட ஆரம்பிச்ச பிறகு
அரிசியும், விவசாயமும் மறந்து போனது!

#அரசியல் என்பது
தேர்தலோடு முடிந்து விடுகிறது!

#தல_தளபதி தெரியும்
தல காவேரி தெரியாது!

#வெள்ளம் வந்தாதான்
நதியே ஞாபகம் வருது!

#போராட்டம் என்பது
சமூக வலைதளத்தோடு முடிந்து விடுகிறது!

தமிழ் நாட்டுல கலவரம் என்று சொன்னீங்க பாருங்க அப்பவே தெரிஞ்சுது,
நேரா வெளிநாட்டுல இருந்துதான் வறீங்கன்னு!!

#காவேரி #காபலியாய் இருந்திருக்கலாம்!
விவாதமாவது நடந்திருக்கும்!!

#கம்யூனிஸ்ட்_கட்சியா? அப்டினா?!

Kerala U R Great!

‘பெங்களூருவில் வசிக்கும் தங்கள் மாநிலத்தைச் சேர்ந்தவர்கள் அங்கிருந்து பாதுகாப்புடன் வந்துசேரும் வகையில் இரண்டு சிறப்பு ரயில்கள் இயக்கப்பட வேண்டும்’ என்று ரயில்வே அமைச்சகத்திடம் கேரள அரசு கோரியுள்ளது.

கேரள முதல்வர் தவிர, மூத்த காங்கிரஸ் தலைவர் உம்மன் சாண்டி, வி.எம். சுதீரன் மற்றும் ரமேஷ் சென்னிதாலா ஆகியோரும் கர்நாடக முதல்வரிடம் மலையாளிகளின் பாதுகாப்பு குறித்தும், அவர்களை அனுப்ப சிறப்பு கவனம் எடுத்துக்கொள்ள வேண்டும் என்றும் வலியுறுத்தியுள்ளனர்.

கேரள காவல்துறை, மலையாளிகள் கேரளத்துக்குத் திரும்பப் பயணிக்கும் சாலைகள் பாதுகாப்பை உறுதிசெய்யும் வகையில் கர்நாடகாவின் மாண்டியாவுக்கு, 100 காவலர்களை அனுப்பிவைத்துள்ளது குறிப்பிடத்தக்கது.

 

Image result for ஆசிட் வீச்சு

ஒரு வழியாகப் பேசி அவள் வழக்கமாகப் பேருந்து ஏறும் அதே இடத்திற்கு, அந்த ஞாயிறு வர அவளை சம்மதிக்க வைத்திருந்தான் ராம். இன்றோடு  இதற்க்கு முடிவு கட்டிவிடலாம் என்பதே இருவரின் ஒருமித்த எண்ணமாக இருந்தது. அப்பொழுதுதான் சூரியன் சோம்பலை முறித்துக் கொண்டு விழித்திருந்தான் , பறவைகளின் சத்தங்களுக்கிடையே பசுமையான இலைகள் காற்றில் ஆடும் சத்தம் கேட்டுக் கொண்டிருந்த அந்த ஞாயிற்றுக் கிழமை காலை 6.30 மணிக்குப் பேருந்து நிறுத்தத்தில் காத்திருந்தாள் அதிரா.

சரியான தாமதத்துடன் சுமார்  6.45 மணியளவில் அவள் முன்னால் ஒரு வித வேகத்தோடு  வந்து நின்றான் ராம். பைக்கை விட்டு இறங்கியவன், சுத்தி வளைக்காமல் நேரிடையாகவே முடிவாக என்னதான் சொல்கிறாய் அதிரா? என்றான் சற்றே அவரசமான தொனியில் ,அதில் காதலை விட ஒரு வித பிடிவாதம் தெரிந்தது.

ஆறு மாத காலமாக நீ என்னைக் காதலிக்கும் எண்ணத்தோடு பின் தொடர்கிறாய் என்பது தெரியும். எனக்கு உன் மீது மட்டுமில்லை, யார் மீதும் காதலில்லை, ஏன்  இப்போதைக்கு காதலிக்கும் பக்குவம் எனக்கு வரவில்லை என்றாள் வயதை மீறிய தெளிவுடன். அந்தக் குரலில் பயமோ, அவசரமோ இல்லை மாறாக இயல்பான எண்ணத்தின்  வெளிப்பாடாகவே இருந்தது.

பேச்சு தொடர்ந்திருக்கும் போதே சட்டென்று அவன் அவசரம் விரக்தியாக மாறி நண்பகல் சூரியனின் சுவாலையைப் போல இந்தக் காலை வேளையிலும் கோபத்தின் எல்லைக்குச் சென்றவன் , சிறிதும் தாமதிக்காமல் தன் பாக்கெட்டில் மறைத்து வைத்திருந்த  ஆசிட்டை அவள் முகத்தினில் வீசினான், அதில் சிதறிய துளிகள் அருகில் இருந்த மலர்களையும், மலரா மொட்டுக்களையும் பொசுக்கி இருந்தது.வலியிலும், வேதனையிலும் துடித்த அவள் “அண்ணா” என்று அலற, சட்டென முகம் வியர்த்து தூக்கம் கலைகிறது அசோக்கிற்கு.

அசோக் 6 மாதகாலமாக ஒரு பெண்ணை ஒரு தலைப்பட்சமாக காதலிக்கிறான். அவன் காதலை வெளிப்படுத்த பாஸ்ட் புட் போல ஆயிரம் உடனடி யோசனைகளைத் தந்து அவனைக் குழப்பி இருந்தார்கள்.எதிலும் சட்டெனக்  கோபப் படக் கூடிய அசோக்கிற்கு
பத்தாம் வகுப்பு படிக்கும் அதியா என்ற தங்கையும் உண்டு. நாளை என்ன செய்தாவது அவன் காதலுக்கு சம்மதம் வாங்கிவிட வேண்டும் என்ற ஒரு மாத கால மன உளைச்சலில் இருந்தவனுக்கு,கனவில் வந்த தன் தங்கை மீதான ஒரு(தறுதலைக்)தலைக் காதலனின் ஆசிட் வீச்சும், அவள் “அண்ணா” என்று அலறிய சத்தமும்  ஏதோ செய்தது.

அந்த கலங்கிய நிலையிலும், தன் காதலிக்குப் பிடித்தாலும்,பிடிக்க வில்லை என்றாலும் பொறுமை இழக்காமல் , நிதானத்தோடு தன் அன்பின் காதலை வெளிப்படுத்துவது என்ற திட முடிவுடன் உறங்கச் சென்றான்! இருள் சூழ்ந்த அந்த இரவில் மேகங்களுக்கிடையே சுதந்திரமாகவே உலாச் செல்கிறது அந்த நிலவு!

நீங்களே சொல்லுங்கள், காதல் என்பது ஓர் அன்பின் வெளிப்பாடு தானே?!

 

படங்கள்: கூகுள்
யாரையும் புண்படுத்தும் நோக்கத்தில் இவை எழுதப் பட்டதல்ல! அனைத்தும் கற்பனையே!!

 

தூணிலும் துரும்பிலும்
இருந்த #இறைவன்
சேரிகளிலும்
இருந்தார்!!

தோஷம் இருந்ததாய்த்
தெரியவில்லை!
கடவுள் சந்தோஷமாகவே இருந்தார்
அதே அமைதியான புன்னகையுடன்!!