Posts Tagged ‘#Pradheep360’

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா? என்ற தங்கள் கட்டுரை தி ஹிந்து தமிழ் நாளிதழில் படித்தேன்.

எங்கெல்லாம் உரிமை இருக்கிறதோ? அங்கெல்லாம் உரிமைகளைப் பற்றிப் பேசும் தகுதியும், தேவைப்பட்டால் போராட வேண்டிய துணிவும் சேர்ந்தே இருக்கும்!

வாய்க்கால்களை தூர்வாருதல்,மணல் கொள்ளை பற்றி //வழிநெடுகிலும் புதர் மண்டிக் கிடந்தது. இடையிடையே மணல் கொள்ளையர்களின் சூறையாடலைச் சொல்லும் பெரும் பள்ளங்கள். காய்ந்து கிடந்த ஆற்றில் தண்ணீர் தென்பட்ட இடங்கள் அத்தனையும் கழிவுகள் கலக்கும் முகவாய்கள். ஆலைக் கழிவுகள், ரசாயனக் கழிவுகள், ஊர்க் கழிவுகள். இவை அத்தனையோடும் புது வெள்ளம் ஒன்றிக் கலக்கிறது. ஆற்றுக்கு ஏற்பட்டிருக்கும் மோசமான சேதத்தை மூடி நிறைக்கிறது-சமஸ் கட்டுரையில் இருந்து// சொல்லி தமிழக அரசையும் சேர்த்தே குற்றம் சாட்டிய நீங்கள்,எந்த இடத்திலும் மத்திய அரசு மற்றும் கர்நாடக அரசு இந்திய கூட்டாச்சியின் அங்கமாக விளங்கும் நீதிமன்றத்தின் ஆணைகளை செயல்படுத்துவதில் காட்டும் மெத்தனத்தையும்,சட்ட அவ மதிப்புகளையும் சொல்ல உங்களுக்கு பக்கம் போதவில்லையா இல்லை மூடி மறைத்து விட்டீர்களா?

அசாமின் நீர் மேலாண்மையைப் பற்றி சொன்ன நீங்கள்,இந்தியாவின் மற்ற மாநிலங்களுக்கிடையே எப்படி நீர் பகிரப்படுகிறது என்பதையும் சேர்த்தே சொல்லி இருக்கலாமே?

கல்லணை பற்றி சொல்லிவிட்டு, அது எப்படிச் செயல்படுகிறது என்பதை சொல்லாமல் விட்டது மறந்து போனதாலா இல்லை,இந்த தலைமுறையிடம் இருந்து மறைத்து விட்டீர்களா என்ற சந்தேகத்தை ஆச்சர்யத்தோடு எழுப்புகிறது உங்கள் கட்டுரை.

ஒருவேளை தமிழ் நாடு மேலிருந்து கர்நாடகத்திற்கு நீர் வழங்காது போனால் தமிழர்கள் கர்நாடகாவிற்காக தமிழ்நாட்டில் போராடி இருப்பார்கள்!

நீர் மேலாண்மை என்பது ஒட்டு மொத்த உலகத்திற்கே பிரச்சனையாக இருக்கும் பொழுது நீங்கள் தமிழ்நாட்டை மற்றும் குறை சொல்லி சமரசம் செய்ய வேண்டிய மத்திய அரசைப் பற்றி ஒன்றுமே சொல்லாதது முழுப் பூசணிக்காயை சோற்றில் மறைப்பது போல இருக்கிறது.

கர்நாடகம் இன்றைக்குக் கிட்டத்தட்ட பதினைந்து மடங்கு சாகுபடிப் பரப்பை அதிகரித்திருக்கிறார்கள் என்று சொல்லிவிட்டு அவர்கள் காலத்தே பின்தங்கி இப்பொழுதுதான் முன்னேறுகிறார்கள் என்று சொல்வது முரணாகவும்,நாம் அதை தடுக்கிறோம் என்று சொல்வது அதிர்ச்சியாகவும் இருக்கிறது.

//காலத்தே யார் முன்னேறியவர்களோ அவர்களுக்கான முன்னுரிமை என்றும் தொடர வேண்டும் என்ற நியாயத்தைத் தமிழகம் போன்ற ஒரு சமூகநீதி மாநிலம் இன்னும் எவ்வளவு காலத்துக்குப் பேச முடியும்?// என்ற இதே கேள்வியை இந்தியாவில் வியாபித்துள்ள அதிகாரம் மற்றும் ஜாதிய கட்டமைப்புகளில் உங்களால் எழுப்ப முடியுமா?

மூன்றாம் உலகப்போர் ஒன்று நிகழுமானால் அது தண்ணீருக்காகத்தான் இருக்கும் என்ற வைரமுத்து அவர்களின் மேற்கொள்படி, காவிரி போன்ற ஒரு முக்கியமான வாழ்வாதாரப் பிரச்சனைகளில் தமிழ்நாட்டின் நீர் மேலாண்மைக்கு குரல் கொடுக்கும் நீங்கள் அதன் மீதான நம் உரிமைகளுக்கு சற்றே உரத்து குரல் கொடுங்களேன்.அதே வேளையில் காவிரி மீதான தமிழக வரலாற்றை உங்கள் எழுதுகோளால் அழித்து விடாதீர்கள்,ஒரு வகையில் அதுவும் ஓர் இன அழிப்பே!

நன்றி!

இப்படிக்கு,

காவிரியில் எங்களுக்குமான உரிமை பற்றி பேச தகுதியுள்ள தமிழர்களில் ஒருவன்!

சமஸ் கட்டுரை

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா?

Thanks: The Hindu Tamil

 

கேட்கத் தயாரெனில்?
அட்சயப் பாத்திரத்தின்
அமுதம் போலே
கதைகளுக்குக் குறைவில்லை
இந்தக் குழந்தைகளின் உலகினிலே!

படங்கள்: கூகிள்

தென் இந்திய நடிகர் சங்கத் தேர்தலும் , ரஜினி பேச்சும்

தென் இந்திய நடிகர் சங்கத்திற்கு, தமிழ்நாடு நடிகர்கள் சங்கம் என்று பெயர் வைக்க வேண்டும் என்ற ரஜினிகாந்த் அவர்களின் வேண்டுகோளுக்கு ஆதரவும்,எதிர்ப்பும் கிளம்பி உள்ளது.

தமிழ் நாட்டைத்  தலைமை இடமாகக் கொண்டு , தமிழ் மொழியில் படம் எடுக்கும் நடிகர்கள் சேர்ந்த ஒரு சங்கத்திற்கு தமிழ் நாடு நடிகர்கள் சங்கம் என்று பெயரிடுவதில் என்ன தவறு இருக்க முடியும்.

மற்ற மாநில நடிகர்கள் முதல் உலக நடிகர்கள் வரை:
இங்கே எல்லா மாநிலத்து நடிகர்களும் நடிக்கிறார்களே எப்படி தமிழ்நாடு நடிகர்கள் சங்கம் என பெயரிடுவது? ஒரு தலைப்பட்சமானதே என பலர் நினைக்கலாம்!

இங்கே வட இந்திய நடிகர்கள் கூடத்தான் நடிக்கிறார்கள் அப்படி இருக்க எப்படித்  தென் இந்திய நடிகர் சங்கம் என்ற பெயர் பொருத்தமாக இருக்கும் ?

இப்பொழுது எல்லாம் வெளிநாட்டு நடிகர்களும் கூட இங்கே வந்து நடிக்க ஆரம்பித்து விட்டார்கள் என்பதற்காக வெளிநாட்டு பெயரையும் சேர்த்தா வைக்க முடியும் ? இல்லை இந்திய நடிகர் சங்கம் என்றுதான் வைக்க முடியுமா ?

யார் வேண்டுமானால் வரலாம் போகலாம். ஆனால் எங்கே அது துவங்குகிறது , யாரை நம்பி அது எடுக்கப் படுகிறது? யாருக்காக எடுக்கப் படுகிறது. யார் அதிகம் விரும்பி பார்க்கிறார்கள் ?

மற்ற மாநில , நாட்டு நடிகர்கள் நடிக்க கூடாதா ?
அப்படி யாரும் சொல்ல வில்லையே , சொல்லவும் மாட்டார்களே ?!  மற்ற நடிகர்கள் நடிக்கத் தடை என்று எப்படி சொல்ல முடியும்.

உறுப்பினர்கள்:
தமிழர்கள் மட்டும்தான் உறுப்பினர் ஆக வேண்டும் என்று யாரும் சொல்ல வில்லையே! கலைஞர்கள் யாரும் எந்த மாநிலத்தைச் சேர்ந்தவராகினும் தமிழ்ப் படத்தில் நடிக்கும் அனைவரும் உறுப்பினர் ஆகலாமே!

மற்ற மாநில நடிகர்கள் சங்கத்தின் பெயர்கள்?
தெலுங்கு , மலையாளம் , இந்தி சங்கங்களுக்குத் தென் இந்திய நடிகர் சங்கம் என்றோ , இந்திய நடிகர் சங்கம் என்றோ பெயர் இருப்பதாய்த் தெரியவில்லை . அதனால் மற்றவர்கள் அங்கு போய் நடிக்காமல் இருக்கிறார்களா ? இல்லை அவர்கள்தான் இவர்களை கூப்பிடாமல் இருக்கிறார்களா?

கோடம்பாக்கம்/கோலிவுட்!
தமிழ் சினிமாவில் நடிக்க வருபவர்கள் முதலில் வர நினைக்கும் இடம் கோடம்பாக்கம்! தமிழ் சினிமாவை கோலிவுட்! என்றுதான் உலகம் அழைக்கிறது. அப்படி இருக்க பெயர் மாற்றம் ஒன்றும் தவறு இல்லை எனத் தோன்றுகிறது.

உலக அளவில் தமிழ் மொழி சினிமாவை எப்படி மொழி எடுத்துக் காட்டுகிறதோ. அதன் தலைமையாய்த் திகழும் தமிழ் நாட்டின் பெயரை வைப்பதில் தவறு இருப்பதாகத் தெரியவில்லை.

for ->https://ezhuthu360.wordpress.com