Posts Tagged ‘#Cauvery’

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா? என்ற தங்கள் கட்டுரை தி ஹிந்து தமிழ் நாளிதழில் படித்தேன்.

எங்கெல்லாம் உரிமை இருக்கிறதோ? அங்கெல்லாம் உரிமைகளைப் பற்றிப் பேசும் தகுதியும், தேவைப்பட்டால் போராட வேண்டிய துணிவும் சேர்ந்தே இருக்கும்!

வாய்க்கால்களை தூர்வாருதல்,மணல் கொள்ளை பற்றி //வழிநெடுகிலும் புதர் மண்டிக் கிடந்தது. இடையிடையே மணல் கொள்ளையர்களின் சூறையாடலைச் சொல்லும் பெரும் பள்ளங்கள். காய்ந்து கிடந்த ஆற்றில் தண்ணீர் தென்பட்ட இடங்கள் அத்தனையும் கழிவுகள் கலக்கும் முகவாய்கள். ஆலைக் கழிவுகள், ரசாயனக் கழிவுகள், ஊர்க் கழிவுகள். இவை அத்தனையோடும் புது வெள்ளம் ஒன்றிக் கலக்கிறது. ஆற்றுக்கு ஏற்பட்டிருக்கும் மோசமான சேதத்தை மூடி நிறைக்கிறது-சமஸ் கட்டுரையில் இருந்து// சொல்லி தமிழக அரசையும் சேர்த்தே குற்றம் சாட்டிய நீங்கள்,எந்த இடத்திலும் மத்திய அரசு மற்றும் கர்நாடக அரசு இந்திய கூட்டாச்சியின் அங்கமாக விளங்கும் நீதிமன்றத்தின் ஆணைகளை செயல்படுத்துவதில் காட்டும் மெத்தனத்தையும்,சட்ட அவ மதிப்புகளையும் சொல்ல உங்களுக்கு பக்கம் போதவில்லையா இல்லை மூடி மறைத்து விட்டீர்களா?

அசாமின் நீர் மேலாண்மையைப் பற்றி சொன்ன நீங்கள்,இந்தியாவின் மற்ற மாநிலங்களுக்கிடையே எப்படி நீர் பகிரப்படுகிறது என்பதையும் சேர்த்தே சொல்லி இருக்கலாமே?

கல்லணை பற்றி சொல்லிவிட்டு, அது எப்படிச் செயல்படுகிறது என்பதை சொல்லாமல் விட்டது மறந்து போனதாலா இல்லை,இந்த தலைமுறையிடம் இருந்து மறைத்து விட்டீர்களா என்ற சந்தேகத்தை ஆச்சர்யத்தோடு எழுப்புகிறது உங்கள் கட்டுரை.

ஒருவேளை தமிழ் நாடு மேலிருந்து கர்நாடகத்திற்கு நீர் வழங்காது போனால் தமிழர்கள் கர்நாடகாவிற்காக தமிழ்நாட்டில் போராடி இருப்பார்கள்!

நீர் மேலாண்மை என்பது ஒட்டு மொத்த உலகத்திற்கே பிரச்சனையாக இருக்கும் பொழுது நீங்கள் தமிழ்நாட்டை மற்றும் குறை சொல்லி சமரசம் செய்ய வேண்டிய மத்திய அரசைப் பற்றி ஒன்றுமே சொல்லாதது முழுப் பூசணிக்காயை சோற்றில் மறைப்பது போல இருக்கிறது.

கர்நாடகம் இன்றைக்குக் கிட்டத்தட்ட பதினைந்து மடங்கு சாகுபடிப் பரப்பை அதிகரித்திருக்கிறார்கள் என்று சொல்லிவிட்டு அவர்கள் காலத்தே பின்தங்கி இப்பொழுதுதான் முன்னேறுகிறார்கள் என்று சொல்வது முரணாகவும்,நாம் அதை தடுக்கிறோம் என்று சொல்வது அதிர்ச்சியாகவும் இருக்கிறது.

//காலத்தே யார் முன்னேறியவர்களோ அவர்களுக்கான முன்னுரிமை என்றும் தொடர வேண்டும் என்ற நியாயத்தைத் தமிழகம் போன்ற ஒரு சமூகநீதி மாநிலம் இன்னும் எவ்வளவு காலத்துக்குப் பேச முடியும்?// என்ற இதே கேள்வியை இந்தியாவில் வியாபித்துள்ள அதிகாரம் மற்றும் ஜாதிய கட்டமைப்புகளில் உங்களால் எழுப்ப முடியுமா?

மூன்றாம் உலகப்போர் ஒன்று நிகழுமானால் அது தண்ணீருக்காகத்தான் இருக்கும் என்ற வைரமுத்து அவர்களின் மேற்கொள்படி, காவிரி போன்ற ஒரு முக்கியமான வாழ்வாதாரப் பிரச்சனைகளில் தமிழ்நாட்டின் நீர் மேலாண்மைக்கு குரல் கொடுக்கும் நீங்கள் அதன் மீதான நம் உரிமைகளுக்கு சற்றே உரத்து குரல் கொடுங்களேன்.அதே வேளையில் காவிரி மீதான தமிழக வரலாற்றை உங்கள் எழுதுகோளால் அழித்து விடாதீர்கள்,ஒரு வகையில் அதுவும் ஓர் இன அழிப்பே!

நன்றி!

இப்படிக்கு,

காவிரியில் எங்களுக்குமான உரிமை பற்றி பேச தகுதியுள்ள தமிழர்களில் ஒருவன்!

சமஸ் கட்டுரை

காவிரியில் நமக்கு உரிமை இருக்கிறது, சரி… உரிமைகளைப் பேசும் தகுதி இருக்கிறதா?

Thanks: The Hindu Tamil

 

ஒருவேளை #காவிரி நீரை #புனிதம், #புண்ணியம் என்று சொல்லி இருந்தால் மத்திய அரசே நமக்கு #போஸ்ட்ஆபீஸில் கிடைக்க உதவி செய்திருக்கும்!

காவிரி நீரை! #வாழ்வாதாரம் என்றல்லவா சொல்லி விட்டோம்!

புதிய கல்விக் கொள்கையில் ஹிந்தி, சமஸ்கிருதம் எல்லாம் அப்புறம் கொண்டுவாருங்கள் முதலில் “நதி நீர் இணைப்பும், அதற்கான திட்டங்களும். கடலுக்கு செல்லும் நீரின் அளவை பற்றிய விழிப்புனர்வையும்” கொண்டு வாருங்கள்!!

கர்நாடகாவின் பல பகுதிகளில் இருந்து எப்படியோ ஓசூர் வந்து அங்கே காத்திருக்கும் மக்களுக்கு அவர்கள் சொந்த ஊருக்குச் செல்ல கூடுதல் பேருந்துகளை தமிழக அரசு இயக்க வேண்டும்!

#RequestToTamilNaduTransportation

 

அன்பு! வளம்!! வளர்ச்சி!!!

நிலையான ஆட்சி! நிரந்திர வளர்ச்சி!!

தமிழகமே எனது குடும்பம்!
தமிழ்நாடு மக்களே எம் பிள்ளைகள்!!
தமிழ்நாட்டு மக்களின் நலனே என் நலன்!!!

#100வது_நாளில்_படித்தது!

#தமிழினத்தின் #ஒப்பற்ற_தலைவர்களின் எண்ணிக்கை அதிகமாகி விட்டதால், யார் குரல் குடுப்பது என்பதில் சற்றே குழப்பம் ஏற்பட்டு இருக்கலாம்!!

தேச பக்தரும், சுதந்திரப் போராட்ட வீரரும், இலங்கைத் தமிழர் விசயத்தில் ராஜ்பக்கேவிற்கு ஆலோசனையும், கடல் நீர் பற்றிய அரிய தகவல்களை சமீபத்தில் வெளியிட்டவருமான அந்த மஹான் எங்கே?!

சுவாமிக்கே வெளிச்சம்!

ஒரு காலத்தில் பெங்களூரில் #கரை_வேட்டிகள் புடை சூழ நின்றதை நாசா விண்கலம் படம் பிடித்தது, இப்போது வெளியிடப் பட்டுள்ளது!!

கர்நாடகா பாஜகவுக்கும்….தமிழக பாஜகவுக்கும் சம்பந்தம் இல்லை-பொன் ராதாகிருஷ்ணன்

எனக்கும் எனக்குமே சம்பந்தம் இல்லை , ஏன்னா என் பேரு சம்மந்தம் இல்லை!!

 

நண்பர்கள் அனைவருக்கும் #ஈகைத்_திருநாள் (#Eid_Mubarak) வாழ்த்துக்கள்!

பிரியாணியை எங்களுக்கு பகிர்ந்து கொடுக்காமல், தனி பார்சல் ஆகவே கொடுத்து “ஈகை”த்திருநாளைக் கொண்டாடுங்கள்!!